話說國家主席習近平近日就開啟今年第十一次國內考察，出發到山東考察，其中一個佢去到嘅地方正正就係東營市考察黃河入海口，到底黃河入海口會係點樣呢？阿史今次就同大家講一講啦！

可能唔少史友都聽過「白日依山盡，黃河入海流」呢句詩句，早喺一千二百幾年前就已經有唐代詩人登上山西永濟鸛雀樓遙望滔滔黃河水，而如今呢個「黃河入海流」嘅就喺山東東營匯入渤海。

喺歷史上，其實黃河嘅入海口都曾經轉過唔少地方。黃河號稱「三年兩決口、百年一改道」，據統計由先秦嚟到現代呢二千五百幾年間，黃河下游共決溢1500多次，改道26次，真係誇張！

據瞭解，黃河就喺1855年南蘭考縣東壩頭附近就出現決口，奪大清河入渤海；而1976年5月，黃河改道清水溝，形成現行入海流路。由於黃河水少沙多，所以其實出海口嘅景象會係咁樣架！